EMBA的小眼睛

香港人對打邊爐的心結無人能及，即使炎炎夏日都要開行冷氣照烚，韜韜話打邊爐最緊要個爐，但而家香港人咁嘴刁，只得一個火力夠的爐，而沒有靚湯底也不成，就算有食之不盡的一級靚和牛，放入清水白灼，口味始終差少少，今個冬天，有不少火鍋專門店都推出新口味湯底，個個都特別，只怕你試唔晒！

香港人一年四季都無分季節咁食火鍋，打邊爐已打到成精，沒有幾道特別的板斧，很難留住客人，很多舖頭着重食材，用甚麼頂級和牛、唐牛刁鑽位等，不過「千福」就先由湯底出發，大路的沙嗲湯和豬骨湯當然有供應，店內更用心製作超過15款湯底，全是大廚輝哥的自家創作，他先用多種鮮魚，熬成一個十分鮮味的魚湯膽，再配合不同的材料，做成各款特色的湯底，最招牌的有一整盒北海道3.6牛乳加上魚湯而製成的「北海道牛奶魚湯」，湯鮮而香氣四溢，配日本黑豚肉或是各類海鮮，效果意想不到的好。

 至於火鍋料，店內有齊生猛海鮮、手切牛肉等港式火鍋必備條件，卻做得更仔細。店內只賣本地黃牛，並細分脊、腋、頸、頸心及邊位不同部位，大家可以肉質、肥瘦、肉味濃淡等因素揀選心水。嗜牛的朋友，除了試齊不同刁鑽部分外，更要試試獨有的番茄牛腩湯底，湯底是用頂級牛肉熬製，再配特別燉煮的牛腩，牛味足，牛腩亦夠腍，牛魔王必試。

另外，如果怕打邊爐燥熱的，就一定要試試以泰國鱷魚肉做膽的「木瓜雪耳鱷魚肉湯底」，十分清潤怡人，更有滋補作用。

撰文︰鄧善文

攝影︰陳富權

查詢電話：2311 1812