打邊爐可以咁受歡迎，幾乎年終無休，全憑選擇夠多，總有一樣啱心水。想要特別湯底？配料刁鑽新鮮？環境寬敞舒適？和牛放題任食？睇完以下報道，原來所有要求都可以得到滿足，係時候約定朋友開餐啦！
潮流講升呢，打邊爐都唔例外！近年在快餐店大熱的一人一鍋，就連傳統火鍋店稻香都創辦HIPOT來湊熱鬧，無論湯底、配料都可以自己話事。
餐廳主攻年輕人市場，所以裝修非常新潮，最大特點是可以一人一鍋，隨意創造自己口味，而調味醬料、糖水及飲品均採自助形式，開餐時更盡情。食物選擇除有傳統口味，亦有不少新創作，例如大根小渦渦、鬼五牛肉及紅酒墨魚丸等。難得噱頭、質素兼備，還不時轉換款式，輕易成為火鍋店的生力軍。
查詢電話：3148 1313
打邊爐最怕環境嘈吵，地方淺窄，食得唔夠盡情。去年登場的東來居，就憑着地方寬敞、柔和燈光以及輕快音樂，成為火鍋新貴，更有不少明星名人幫襯，人氣極盛。
說到食物質素，亦是令人讚不絕口，每日精選本地靚黃牛，貪其牛味濃郁，肉質軟滑，還有多個部位選擇，像牛頸脊、牛脷、牛邊抓及牛胸油等，另外亦有生猛海鮮、有餡手打丸、時令蔬菜及特色湯底等，選擇多多。火鍋以外，餐廳亦有小菜、刺身壽司、甜品等供應，各自有專人主理，質素自然超班。
查詢電話：2244 3355
像小記這等牛魔王，打邊爐例牌食幾碟牛肉，除本地牛、美國牛外，原來連矜貴和牛都可成為配料。來自日本的過江龍餐廳牛陣，屬於日本但馬屋集團，在當地有多達40間分店，用上自家在佐賀飼養的和牛，質素有保證。其招牌火鍋放題，有和牛及其他配料任食，雖然湯底及牛肉都是四選一，或許較為單調，但若說晚餐放題每位最低由$100起，就可在限定時間內任食牛肉、豬肉等火鍋配料，以及是飯、烏冬及雪糕等，相信都很滿足了。
查詢電話：2172 6322
撰文：楊淑英
攝影：陳世昌
模特兒：Candy C.、Lena W.（Omni Model）
留言列表