近日感覺陣陣涼意，小記想起廟街的熱辣煲仔飯，但其實廟街美食處處，還有馳名的風味海鮮，例如辣酒煮花螺、豉椒炒蜆及椒鹽鮮魷等。如果睇到呢度突然覺得肚餓，只要學大廚的方法炮製海鮮，就可以即時開餐啦！
入口新鮮熱辣
煎蠔餅、豬骨粥、煲仔飯、牛雜、炒蜆、椒鹽鮮魷，一提起就令人口水流，廟街的確是美食天堂，而且愈夜愈熱鬧，坐在街邊開餐特別有風味。馬哥孛羅香港酒店中菜部總廚黃海明表示：「以前會去廟街食消夜，最鍾意食蠔餅，好脆口，同埋食吓海鮮咁。」
今次黃師傅就將海鮮以椒鹽、豉椒及辣酒烹調，特別惹味，而且海鮮熱辣辣入口，風味突出，他補充：「海鮮要新鮮，而且控制火候好重要。」簡單就說明烹煮菜式的重點。馬哥孛羅香港酒店的Cafe Marco由即日至11月30日推出《廟街風情》海鮮精選自助晚餐，可嘗盡多款冷盤、特色海鮮，看來大家除了親自下廚，亦有其他開餐好方法。
文章標籤
全站熱搜
留言列表